युवा कनेटस् (YuvaConnects); प्रकृति र संस्कृतिका लागि युवाहरूको सहकार्य

YuvaConnects (युवा कनेटस्) जुलाई–अगस्ट महिनाभर सञ्चालन हुने ६० घण्टाको क्षमता विकास कार्यक्रम हो। यो कार्यक्रम २०–२५ वर्ष उमेरका युवाहरूलाई वातावरणीय समस्या र सांस्कृतिक सम्पदा हराउँदै गएको अवस्थाबारे बुझ्न, सिक्न र समाधान खोज्न सक्षम बनाउन तयार गरिएको हो। कार्यक्रमलाई यस्तो तरिकाले बनाइएको छ कि सहभागीहरूले धेरै सिक्न सकून् तर धेरै थाकान पनि नहोस्। साथै, उनीहरूलाई अनुसन्धान गर्न, नयाँ ठाउँ बुझ्न र निरन्तर सिक्न आवश्यक सहयोग पनि दिइनेछ।

स्थानीय समुदायसँग प्रत्यक्ष सहकार्य गर्दै सहभागीहरूले वातावरण र स्वास्थ्यसँग सम्बन्धित समस्याहरू पहिचान गर्नेछन्, परम्परागत तथा स्थानीय ज्ञानको अभिलेखीकरण गर्नेछन्, र साना तर व्यवहारिक समाधानहरू तयार गर्नेछन्। YuvaConnects को उद्देश्य वातावरणप्रति जिम्मेवार, आफ्नो संस्कृति र पहिचानसँग जोडिएका, तथा सीपयुक्त युवा नेतृत्व तयार गर्नु हो, जसले नेपालको दिगो विकासमा अर्थपूर्ण योगदान दिन सकून्।

Learn in English